Հաճելի է, երբ տունը մաքուր է և կոկիկ հավաքված: Սակայն մաքրության ապահովման և դրա պահպանման գործընթացն այնքան էլ հաճելի ու հեշտ չէ:
Այդ գործընթացը հեշտացնելու համար ներկայացնում ենք 7 օգտակար խորհուրդ, որոնք կօգնեն Ձեզ կրճատել այն ժամանակը, որն օգտագործում ենք տան մաքրման աշխատանքների իրականացման վրա:
Սենյակի օդափոխում
Ծխախոտի և ընտանի կենդանիների հոտից ազատվելու կամ պարզապես սենյակի օդը թարմացնելու համար, խառնեք 10 կաթիլ լավանդայի կամ լիմոնի յուղը 1 ճաշի գդալ սոդայի ու 2 բաժակ տաք ջրի հետ, ապա լցրեք կտորի վրա:
Փոշու մաքրում
Կահույքի վրա ավելի քիչ փոշի նստելու համար, լցրեք փոշին մաքրելու համար նախատեսված կտորի վրա լվացքի կոնդիցիոներ:
Պատուհանների շրջանակներ
Պատուհանների կեղտոտված տարբեր հատվածների և շրջանակների վրա լցրեք կերակրի սոդա, ապա ավելացրեք մի փոքր քացախ ու սպասեք ռեակցիան անցնի: Մաքրեք ատամի խոզանակով կամ խոնավ կտորով, ապա չորացրեք կտորով:
Հետքերի մաքրում
Բազմոցի և փափուկ կահույքի մաքրման համար 1 ճաշի գդալ սոդային ավելացրեք 1/3 բաժակ քացախ, տաք ջուր, 1 բաժակ լվացքի փոշի և դրանով մարքեք հետքերը:
Նստվածքների մաքրում
Խոհանոցի պահարանների կամ դռների վրայի նստվածքը վերացնելու համար կարելի է խառնել բուսայուղն ու սննդի սոդան և սպունգի կամ խոզանակի օգնությամբ մաքրել:
Լոգասենյակի սպիտակեցում
Լոգարանի պատերի մաքրման համար 5 լիտր ջրի վրա ավելացրեք ֆուրացիլինի 1 հաբ և մաքրեք պատերը դրանով: Իսկ սպիտակեցնելու համար սոդայի վրա ավելացրեք ջուր, 10 րոպե անց խառնեք 50 գ քացախ և 50 գ սպիտակեցնող հեղուկ և ապա մաքրեք լոգարանի վերևի հատվածը: 30 րոպե անց լվացեք առատ ջրով:
Ծորակների փայլեցում
Ծորակների երկարատև մաքրության և փայլի ապահովման համար դրանք մաքրեք ստվարաթղթով կամ կիտրոնով: Սա ծորակների մաքրման ամենաարդյունավետ և արագ միջոցն է:
Տան մաքրման ծառայություններ՝ Քլինլայն ընկերության կողմից
Քլինլայնը մատուցում է բնակարանի և առանձնատան հետ կապված համալիր մաքրման ծառայություններ: Պրոֆեսիոնալ աշխատախումբը մաքրությունն իրականացնում է գերժամանակակից սարքավորումներով և եվրոպական բարձրակարգ, հակաալերգիկ նյութերով:
