Անուն/Ազգանուն:

Էլ. փոստ:

Հարց:



 

Գլխավոր  /Մեր մասին /Հոդվածներ






Օգտակար խորհուրդներ կահույքի խնամքի համար

 

Կահույք գնելիս մեզանից յուրաքանչյուրը ցանկանում է, որ այն հնարավորինս երկար ծառայի: Իսկ դա կախված է նրանից, թե ինչպես այն կօգտագործվի․ որքան խնամքով և կոկիկ օգտագործենք կահույքը, այնքան երկար կպահպանվի այն:

 

Կահույքի խնամքի հիմնական կանոնները

 

  • ⦿ Կահույքի փոշին պետք է մաքրել հաճախ՝ չոր, փափուկ կտորով: Չի կարելի օգտագործել կոշտ սպունգներ և քերող գործիքներ. դրանք փոքրիկ խազեր կթողնեն կահույքի վրա:
  • ⦿ Պարբերաբար պետք է մաքրել կահույքի մակերեսը հատուկ հակաստատիկ նյութերով
  • ⦿ Մաքրել կեղտաբծերը օճառե լուծույթով, որից հետո կտորով չորացնել կահույքը: Որպես այլընտանքային միջոց կարելի է օգտագործել խոնավ անձեռոցիկները
  • ⦿ Ոչ մի դեպքում չի կարելի օգտագործել ագրեսիվ մաքրման միջոցներ (քլոր, քիմիական ռեակտիվներ և լուծիչներ պարունակող նյութեր)

 

 

Փայտյա կահույքի խնամքի առանձնահատկությունները

 

Եթե տան կահույքը բնական փայտից է, ապա դրա խնամքի համար ձեզանից շատ ջանքեր կպահանջվեն: Բնական նյութից կահույքը «քմահաճ» է: Այն չի հանդուրժում բարձր/ցածր խոնավություն, պետք է հեռու լինի արևի ուղիղ ճառագայթներից, որպեսզի գույնը չխամրի: Իսկ մաքրել թույլատրվում է միայն հատուկ նուրբ մաքրման միջոցներով և մոմե հիմքով նյութերով:

 

ՄԴՖ-ից և ԴՍՊ-ից կահույքի խնամքի առանձնահատկությունները

 

Տարբեր հումքերից պատրաստված կահույքի տեսակները պահանջում են տարբեր խնամք: Կահույքը գնելիս և օգտագործելիս պետք է իմանալ յուրաքանչյուր տեսակի խնամքի առանձնահատկությունները, որպեսզի այն չվնասվի:

 

ՄԴՖ-ը մնացած նյութերից տարբերվում է նրանով, որ շատ լավ է դիմանում խոնավությանը: Այս տեսակի կահույքի փոշին մաքրելու համար պետք է օգտագործել փափուկ և չոր կտոր: Իսկ եթե այն սպիտակ է և փայլուն, ապա պետք է մաքրել շատ ավելի խնամքով և հաճախ:

 

ԴՍՊ-ն, ի տարբերություն ՄԴՖ-ի, բացարձակապես խոնավադիմացկուն չէ: Այնպես, որ զգույշ եղեք ԴՍՊ-ից կահույքի վրա ջուր թափվելուց և չոր կտորով արագ մաքրեք այն: Այս տեսակի կահույքը մաքրելիս թույլ չի տրվում օգտագործեք խոնավ կտորներ և հեղուկ նյութեր:

 

Փափուկ կահույքի խնամքի առանձնահատկությունները

 

Փափուկ կահույքը մաքուր պահելը խիստ անհրաժեշտ է նախևառաջ առողջության համար, ապա նաև՝ դրա տեսքը երկար պահպանելու համար:

 

Բազմոցը, բազկաթոռները և փափուկ կահույքի մնացած տեսակները պետք է ամեն օր մաքրել փոշեկուլով և խոզանակով: Ցանկալի է ժամանակ առ ժամանակ իրականացնել նաև երեսպատման կտորի խոնավ մաքրում:

 

Այս ամենից զատ, փափուկ կահույքը պահանջում է նաև պրոֆեսիոնալ խնամք և մաքրում: ՔլինԼայն ընկերությունն իրականացնում է փափուկ կահույքի քիմմաքրում՝ եվրոպական բարձրակարգ և հակաալերգիկ նյութերով:

 

 

Կաշվե կահույքի խնամքի առանձնահատկությունները

 

Կաշվե փափուկ կահույքը գեղեցիկ և ոճային տեսք ունի: Ճիշտ խնամելու դեպքում, այն երկար կպահպանի իր տեսքը: Բնական կաշվի յուղայնությունը ժամանակի ընթացքում չորանում է, ինչի հետևանքով դրա արտաքին շերտը սկսում է «ճաքել»: Այս երևույթից խուսափելու համար հարկավոր է տարվա ընթացքում 1-2 անգամ մշակել կաշվե մակերեսը հատուկ սպունգներով՝ ներծծված ստեարինի քսայուղով: Կեղտաբծերն ու փոշին պետք է մաքրել սովորական խոնավ կտորով, երբեմն կարելի է օգտագործել օճառե լուծույթ: Եթե կան գինու, սուրճի, շրթներկի և մրգերի հետքեր, դրանք կարելի է մաքրել թույլ սպիրտով թրջված սպունգով:

 

Լաքապատ և ապակե մակերեսների խնամք

 

Լաքապատ և ապակե մակերեսը պահանջում է մշտական խնամք: Կահույքի այս տեսակների վրա փոշին ակնհայտ երևում է, այդ իսկ պատճառով պետք է փափուկ կտորով հաճախ մաքրել: Երկուսի դեպքում էլ հետքերը խորհուրդ է տրվում մաքրել օճառե լուծույթով: Չի թույլատրվում օգտագործել ագրեսիվ մաքրման միջոցներ և նյութեր, քանի որ դրանք խազեր կառաջացնեն ապակե և լաքապատ մակերևույթներին:

 

Կահույքի պրոֆեսիոնալ խնամքի առավելությունները

 

Կահույքի տարբեր տեսակներ պահանջում են առանձնահատուկ խնամք: Ներկայացնելով դրանցից շատերի մաքրման որոշ նրբություններ, այնուամենայնիվ շատ գաղտնիքներ դեռ մնում են չբացահայտված: Չմաքրվող կեղտաբծեր, ժանգոտված մակերևույթ և շատ այլ բաներ, որոնք կարելի է վերացնել միայն պրոֆեսիանալ խնամքի և մաքրման շնորհիվ:

Հայաստանյան շուկայում հայտնի ՔլինԼայն ընկերությունը մատուցում է պրոֆեսիոնալ մաքրման ծառայություններ, իրականացնում մաքրում ժամանակակից սարքավորումներով, ինչպես նաև անվնաս և որակյալ նյութերով:




10 խորհուրդ պարկետի (մանրահատակի) խնամքի համար

10 խորհուրդ պարկետի (մանրահատակի) խնամքի համար

 

Մանրահատակի գեղեցիկ տեսքը պահպանելու և փայլեցնելու համար, հարկավոր է իմանալ դրա խնամքի և մաքրման մասին բոլոր մանրամասները:

 

Ստորև կներկայացնենք պարկետի մաքրման վերաբերյալ 10 խորհուրդ:

Քլինինգ, պրոֆեսիոնալ մաքրում

Քլինինգ, պրոֆեսիոնալ մաքրում

 

Տանը, գրասենյակում կամ հասարակական ցանկացած վայրում կոկիկ և մաքուր միջավայրը հաճելի էմոցիաներ և լավ տրամադրություն է թողնում: Իսկ բիզնես կենտրոններում և առևտրային խոշոր կազմակերպություններում մաքրության պահպանումն առաջին հերթին դրական իմիջի ստեղծման և վստահելիության հարց է:

Գորգերի տեսակներ ու դրանց մաքրման առանձնահատկությունները

Գորգերի տեսակներ ու դրանց մաքրման առանձնահատկությունները

 

Գորգերն ինտերիերում կարևոր տեղ են զբաղեցում։ Հիմնականում տարբերակում են բնական, կիսաբնական և սինթետիկ գորգեր: Սրանցից յուրաքանչյուրն առանձնահատուկ խնամք և մշտական մաքրություն է պահանջում, հատկապես, եթե տանը փոքր երեխաներ կամ կենդանիներ կան. նման դեպքերում փոշի, կեղտ, բծեր, հետքեր, մազեր ավելի հաճախ են լինում գորգերի վրա:

 

Բիզնես կենտրոնների և օֆիսների մաքրման առանձնահատկությունները

Բիզնես կենտրոնների և օֆիսների մաքրման առանձնահատկությունները

 

Մաքրությունն ու կոկիկությունը բիզնես կենտրոններում և օֆիսներում (գրասենյակներում) պետք է լինեն բարձր մակարդակի վրա: Այս տարածքներում մարքության նկատմամբ շատ ավելի պահանջկոտ են՝ ելումուտերի, մարդկանց քանակի շատ լինելու և հյուրեր, հաճախորդներ, գործընկերներ ընդունելու պատճառով: Բացի այդ մաքուր և կոկիկ միջավայրում աշխատելը շատ ավելի հարմարվետ ու արդյունավետ է: