Բիզնես կենտրոնների, առանձնատների ու շենքերի բակերում, այգիներում և այլ արտաքին տարածքներում տարվա բոլոր եղանակներին և մշտապես պետք է ապահովել մաքրություն: Իսկ գարնանային ամիսներին դա ամենից շատն է պահանջվում՝ մասնավորապես այգիների դեպքում: Այստեղ խոսքը ոչ միայն զուտ մաքրման, այլև բարեկարգման, կանաչապատման և հատուկ խնամքի մասին է: Իսկ այս ամենն, իհարկե, պետք է վստահել պրոֆեսիոնալ ընկերություններին:
Ինչու՞ իրականացնել արտաքին տարածքի մաքրում
Ձեր ընկերության և տան արտաքին տարածքի մաքրության պահպանումը կարևոր է ոչ միայն սանիտարահիգիենիկ տեսանկյունից, այլև մեծ նշանակություն ունի համբավի և վարկանիշի պահպանման առումով: Տարատեսակ աղբով կամ տերևներով լցված Ձեր փողոցը, չխնամված խոտածածկով կամ ծաղկանոցով բակային հատվածները անցորդների համար տհաճ են և վատ կարծիք են ստեղծում Ձեր և Ձեր ընկերության մասին: Այս ամենից խուսափելու և պատշաճ խնամք ու մաքրություն ապահովելու համար խորհուրդ է տրվում դիմել մասնագետներին, ովքեր կիրականացնեն մաքրում՝ հատուկ սարքավորումների միջոցով:
Ի՞նչ է ներառում արտաքին տարածքների մաքրումը
Արտաքին տարածքները, որոնք մշտական սանիտարական վերահսկման կամ խնամքի կարիք ունեն, բավական լայն ընգրկում ունեն և ներառում են բազմաթիվ հատվածներ: Ներկայացնենք դրանք ստորև.
- • Շենքերի մուտքեր, ասֆալտով կամ սալահատակով պատված հատվածներ, որտեղ ամեն օր պետք է չոր մաքրում իրականացնել և խոնավեցնել
- • Բակային տարածքներ, անցորդների համար բանուկ հատվածներ, որոնք պետք է մաքրել ամենօրյա աղբից և տերևներից
- • Տարածքներ, որոնք ձմռանը պետք է մաքրել ձնից, մերկասառույցից, իսկ աշնանն ու գարնան սկզբին՝ տերևներից
- • Կենցաղային թափոններով լի արկղեր, որոնք պետք է ամեն օր դատարկել
- • Ջրահեռացման համակարգերի ցանցեր, շատրվաններ և բացօթյա լողավազաններ, որոնք պահանջում են առանձին համալիր մաքրումներ
- • Լանշաֆտային հատվածքներ, որոնք պետք է կանաչապատել, խնամել և ձևավորել
Վերոնշյալներից բացի կան նաև շենքերի կամ հրապարակների ճարտարապետական դետալներ և արձաններ, որոնք յուրահատուկ մաքրում և խնամք են պահանջում: Այս բոլոր հատվածների մաքրումները կարող են լինել մեկանգամյա և պարբերական. դրանք իրականացվում են և՛ ձեռքով, և՛ տեխնիկայի միջոցով: Իհարկե, պրոֆեսիոնալ մաքրումը ենթադրում է համալիր մաքրում բոլոր միջոցներով և հատուկ նյութերով ու սարքավորումներով:
«Քլինլայն» ընկերությունը մատուցում է արտաքին տարածքների մաքրման ծառայություններ՝ ապահովելով կատարյալ որակ և բարձրակարգ սպասարկում: