Կեղտոտ պատուհանները միշտ էլ տհաճ տպավորություն են թողնում. ավելի քիչ լույս է ներթափանցում սենյակ, ձևավորվում է բացասական կարծիք տանտիրոջ մասին:
Քլինլայն մաքրման ծառայությունների պրոֆեսիոնալները կարճ ժամանակում կազատեն Ձեզ պատուհանները մաքրելու հոգսից: Իսկ մինչ այդ՝ մի քանի պրակտիկ խորհուրդ այդ գոծընթացն ինքնուրույն իրականացնելու համար։
Մարդիկ կարծում են, որ մաքրման ենթակա է միայն ապակին, սակայն ապակեփաթեթներից բացի, պետք է նաև մաքրել շրջանակը, մետաղական էլեմենտները, պատուհանների արանքները և այլ կարևոր հատվածներ:
ՊՎՔ պատուհանի շրջանակի մաքրում
ՊՎՔ պատուհանների մաքրման ժամանակ առաջինը լվացվում են շրջանակները: Դրանք հեշտությամբ մաքրվում են փափուկ կտորով, որը կարելի է թրջել ջրով և ամանները լվանալու հեղուկով: Խորհուրդ չի տրվում օգտագործել հղկանյութ պարունակող մաքրող միջոցներ՝ քերծվածքներից խուսափելու համար:
Եթե մաքրում եք պատուհանը վերանորոգումից հետո, ապա մոնտաժային փրփուրից ազատվելու համար կարող եք անգամ ատամի խոզանակով կամ կոշտ կտորով տրորել դրանք:
Ապակեփաթեթների լվացում
Ապակեփաթեթը պետք է լվանալ օճառային լուծույթով՝ վերևից ներքև ուղղահայաց շարժումներով, այնուհետև՝ մաքրել ջրով: Ապակին փայլեցնելու համար պետք է սրբել այն թղթե սրբիչով կամ թերթով: Ապակիների փայլեցման համար խորհուրդ է տրվում նաև մաքրող հեղուկի մեջ ավելացնել մի փոքր կիտրոնի աղ:
Պատուհանների ֆուրնիտուրայի և այլ մասերի մաքրում
Կցամասերը (ֆուրնիտուրան) ցանկացած ակտիվ (բացվող-փակվող) պատուհանի կարևոր դետալներն են: Շահագործման և մաքրման ընթացքում դրանք պահանջում են հատուկ խնամք և ուշադրություն: Նվազագույնը 6 ամիսը մեկ անգամ պետք է կարգավորել դրանք, մաքրել փափուկ կտորով և օճառի լուծույթով, այնուհետև չորացնել և յուղել: Պատուհանի բռնակներն ու ծխնիներն ամենաշուտն են ենթարկվում կոռոզիայի և ժանգոտման, ուստի մաքրելու ընթացքում հարկավոր է օգտագործել մետաղական իրերի համար նախատեսված նյութեր:
Պլաստիկ պատուհանագոգերի մաքրման համար խորհուրդ է տրվում օգտագործել օճառային լուծույթ, որը մաքրում է նաև յուղի հետքերը: Պատուհանագոգերի դեղին հետքերը կարելի է մաքրել ջրածնի պերօքսիդով:
Պատուհանների արանքում եղած փոշին կարելի է մաքրել կտորով, իսկ ռետինե հատվածները՝ թաց սպունգով:
Մետաղապլաստե դռների խնամք
Մաքրող կտորը ցանկալի է լինի փափուկ, օրինակ, կարելի է օգտագործել զամշ: Իսկ հեղուկի առումով, օճառային լուծույթն ամենահամապատասխանն է, որից հետո ցանկալի է դուռը մաքրել գոլ ջրով: Ուշադրություն դարձրեք, որ կտորը միշտ թաց լինի՝ քերծվածքներից խուսափելու համար:
Եթե ցանկանում եք ունենալ հուսալի մաքրություն և անթերի արդյունք, ապա Քլին Լայն ընկերություննը տրամադրում է մետաղապլաստե պատուհանների ու դռների պրոֆեսիոնալ մաքրման ծառայություններ, որոնք իրականացվում են եվրոպական արտադրության բարձրորակ մաքրող նյութերով: