Բնակարանի մաքրումը ենթադրում է կուտակված փոշուց և կեղտից մակերեսների կանոնավոր մաքրում։ Այնուամենայնիվ, դա էլ չի կարող ապահովել 100%-անոց արդյունք, հատկապես, երբ արագ փոփոխվում է եղանակը։ Տան ամառային մաքրումն ունի իր առանձնահատկությունները, քանի որ տարվա այս սեզոնին տարածքներն ինտենսիվ աղտոտվում են: Ամռանը բնակարանում մշտական մաքրություն պահպանելու համար հետևեք մեր փորձառու մասնագետների խորհուրդներին։
2 կարևոր խորհուրդ՝ ամառային մաքրությունն սկսելուց առաջ
Քանի որ ամռանը պատուհաններն անընդհատ բացվում են, փողոցի փոշին անմիջապես մուտք է գործում տարածք ու «տեղավորվում» առաստաղի, պատերի մակերեսների ու հատակի վրա: Ամռան ընթացքում օպտիմալ մաքրությունը պահպանելու համար տան մակերեսները և հատակը պետք է ամեն օր մաքրվեն խոնավ շորով:
Խորհուրդ համար մեկ․ մեկ օրվա ընթացքում մի փորձեք մաքրություն անել, հատկապես՝ մեծ տան դեպքում։ Կատարվելիք աշխատանքների ծավալը բավականին մեծ է, և օրվա վերջում հավանաբար չեք կարողանա հաղթահարել պլանը, արագ կսպառվեք: Պլանավորեք աշխատանքները մի քանի օրվա համար և ժամանակ թողեք հանգստի համար:
Երկրորդ խորհուրդ․ բնակարանի կամ տան լայնածավալ մաքրումից առաջ նախ հեռացնել մեծ աղբն ու չօգտագործվող իրերը։ Դրանից հետո դուք կարող եք տեսնել աշխատանքի իրական մասշտաբն ու սկսել մաքրությունը։
Եվս 5 խորհուրդ՝ բնակարանի ու տան մաքրման համար
1.Կարգի բերեք պահարանները: Սա վերաբերում է նաև խոհանոցին ու տան տնտեսական հատվածին։ Կոտրված, չօգտագործվող իրերը՝ ուղիղ աղբարկղ, կեղտոտ հագուստը՝ լվացքի մեքենա։ Սրբեք փոշին բոլոր դարակներից, մակերեսները՝ խոնավ շորի միջոցով:
2.Նորացրեք անկողնային սպիտակեղենը: Հատկապես ամռանը անկողնային պարագաները պետք է փոխվեն շաբաթական առնվազն 3 անգամ: Տաք եղանակին արագ վերարտադրվում են փոշու միկրոբները, և, քանի որ սպիտակեղենն ամենամոտն է մարմնին, պետք է այն իդեալական մաքուր լինի: Գերադասելի է քնել բամբակե սպիտակեղենի վրա․ այն թարմացնում է տաք եղանակին ու լավ կլանում է խոնավությունը:
3.Փոխեք բարձերի ծածկոցները: Իսկ ավելի լավ կլինի, եթե լվանաք փափուկ կահույքի պաստառները, եթե դա հնարավոր է։ Թարմացված գույներն ու գործվածքը ամառային տրամադրություն կհաղորդեն սենյակին՝ գարնանային գաղջից հետո։
4.Լվացեք պատուհաններն ու վարագույրները: Դա կնշանակի մաքուր հայացք դեպի դուրս և թարմ միկրոկլիմա՝ տանը։ Ձեզ համար միանգամից ավելի հեշտ կդառնա շնչելը, և տունը կդառնա ավելի պայծառ:
5.Մաքրեք խոհանոցը և սպասքը: Անհրաժեշտ է լվանալ խոհանոցի տարածքը՝ ներառյալ պահարաններն ու կենցաղային տեխնիկան: Կուտակված ճարպը բակտերիաների և մանրէների բազմացման գլխավոր նախապայմանն է: Դրանք նաև կուտակվում են խոհանոցային սպասքի ու պարագաների վրա: Վերջիններս կարելի է հեշտությամբ մաքրել կերակրի սոդայով:
«ՔլինԼայն» ընկերությունը Երևանում կազմակերպում է սենյակների, բնակարանների, տների և ամառանոցների մաքրում՝ տարվա ցանկացած եղանակին: Գնահատելով ամառային մաքրման առանձնահատկություններն ու մեծածավալ աշխատանքը, մենք կկազմենք հատուկ մաքրման ծրագիր, ձեր տունը կուտակված փոշուց ու կեղտից ամբողջությամբ մաքրելու համար: