Լամինատը գեղեցիկ և պրակտիկ հատակային ծածկույթ է, որն, արդեն երկար ժամանակ է, դարձել է մանրահատակի (պարկետի) արժանի այլընտրանքը։ Լամինատե հատակի երկարակեցությունը առաջին հերթին կախված է պատշաճ խնամքից:
Լամինատի մաքրման մեթոդներ
Գոյությունի ունի լամինատե հատակների մաքրման երկու տեսակ.
Չոր. Այդ նպատակով խորհուրդ է տրվում օգտագործել փոշեկուլ՝ փափուկ գլխիկով կամ խոզանակով: Փոշեկուլը արագ կհավաքի ամբողջ փոշին և կեղտը`չվնասելով լամինատը: Եթե չեք ցանկանում գործածել փոշեկուլ, կարող եք փոխարենը օգտագործել ավել, որը կհեռացնի խոշոր աղբը:
Թաց մաքրում․ Կատարեք շաբաթական ոչ ավելի, քան 2 անգամ, սակայն այս մաքրումը պետք է կատարվի առնվազն 23 դասի լամինատի վրա։ Թաց մաքրում կատարելիս պահպանեք հետևյալ կանոնները.
1. Մանրակրկիտ քամեք կտորը:
2.Խոնավությունը արագ գոլորշիացնելու նպատակով, թաց մաքրման ժամանակ պատուհանները բաց թողեք։
Առավել նպատակահարմար է լամինատը լվանալ հարթ միկրոֆիբրե հատակի փայտով:
Լամինատե հատակից բծերը հեռացնելու նպատակով օգտագործեք չեզոք PH պարունակող մաքրող միջոց: Մարկերի թողած բծերը խորհուրդ ենք տալիս հեռացնել ռետինով կամ ատամի մածուկով:
Լամինատե մաքրող լավագույն միջոցները
Ժամանակակից խանութներն առաջարկում են լամինատե խնամքի միջոցների լայն տեսականի: Ընտրություն կատարելիս առաջին հերթին ուշադրություն դարձրեք բաղադրությանը․ ցանկալի է․ որ չպարունակի հղկող նյութեր, թթուներ, լուծիչներ։
Ունիվերսալ հեղուկ Reinex Parkett & Laminat Pflege-ը չի թողնում օճառի մնացորդներ և չի պահանջում ողողում: Այս միջոցը նաև ստեղծում է հակաստատիկ թաղանթ, որն օգնում է նվազեցնել կեղտի առաջացումը:
Գերմանական Dr. Schutz միջոցը Ձեր հատակից հեշտությամբ կհեռացնի կեղտը, ճարպը:
Բարդ մաքրվող բծերի դեպքում խորհուրդ ենք տալիս Glutoclean-ը, որն արդյունավետ կերպով կհեռացնի բոլոր տեսակի բծերը:
Լամինատը փայլեցնելու համար օգտագործեք 100 մլ սեղանի քացախ՝ 2 լիտր ջրի հետ հարաբերակցությամբ։
Լամինատե հատակի կանխարգելիչ-պրոֆիլակտիկ խնամք
Լամինատի կյանքը երկարացնելու համար պետք է ձեռնարկել հետևյալ կանխարգելիչ միջոցները․
Այն հատվածները, որոնք ենթակա են առավել հաճախակի աղտոտման (օրինակ՝ դռան դիմաց), փռեք գորգ, որը թույլ չի տա կեղտի մուտքը բնակարան;
Կահույքի ոտքերը փաթաթեք փափուկ կտորով;
Խուասափեք լամինատի վրա կոշիկներով քայլելուց;
Լամինատը մաքրելիս խորհուրդ չի տրվում օգտագործել մետաղական խոզանակներ, հղկող միացություններ;
Որքան հնարավոր է, արագ մաքրեք թափված ջուրը լամինատե հատակի վրայից;
Պաշտպանեք հատակի ծածկույթը մեխանիկական վնասվածքներից: