Խոհանոցի մաքրությունը կարող է մի փոքր ավելի շատ ժամանակ խլել, քան տան մյուս հատվածների մաքրությունը: Այնուամենայնիվ, մաքրությունը ավելի արագ և հեշտ դարձնելու շատ մեթոդներ կան, ներկայացնենք մի քանիսը, որոնք ձեր մտքով անցած չի լինի․
Ալկոհոլը բաժակների համար
Բյուրեղյա և ապակյա բաժակների վրա հաճախ մնում են տգեղ բծեր: Դրանցից ազատվել կօգնի ալկոհոլը: Խառնեք այն ջրի մեջ 1:1 հարաբերակցությամբ և լվացեք բաժակները: Նման լվացումից հետո բծեր չեն մնա:
Թղթե սրբիչը սառնարանում
Սառնարանը մաքրելը ժամանակատար աշխատանք է: Օգտագործելով թղթե սրբիչ՝ սառնարանաը կարելի է ավելի ուշ - ուշ մաքրել: Մրգերի, բանջարեղենների տակ դնելով թղթե սրբիչ՝ հնարավոր է խուսափել կոնդենսատի կուտակումից՝ այդպիսով սառնարանը պահպանելով մաքուր և կոկիկ վիճակում ավելի երկար ժամանակ:
Ալյուրը յուղի դեմ
Յուղե հետքերի վրա կարող եք լցնել մի փոքր ալյուր, թողնել մի փոքր, ապա զգուշությամբ հեռացնել խոնավ շորով: Ալյուրի միջոցով յուղի հետքերը կարող եք հեռացնել անգամ հագուստի վրայից:
Ածուխը տհաճ հոտերի դեմ
Եվս մեկ լայֆհակ սառնարանի համար, չնայած որ այս մեթոդը կիրառելի է նաև զգեստապահարանի դեպքում: Ակտիվացված ածուխի մի քանի կոճակ դրեք սառնարանում կամ պահարանի մեջ և դրանք շատ արագ կկլանեն տհաճ հոտերը:
Սուրճը որպես արոմատիզատոր
Խոհանոցի մաքրությունից հետո կարող եք եռացող ջրի մեջ լցնել 1-2 սուրճի հատիկ: Խոհանոցը կլցվի սուրճի հաճելի բույրով, իսկ տհաճ հոտերը անմիջապես կվերանան:
Չժանգոտվող մետաղը մաքրելու հեշտ միջոց
Չժանգոտվող մետաղից սարքավորումները խոհանոցին հիանալի տեսք են տալիս, սակայն դրանք մաքրելը երբեմն բավականին բարդ է: Օղին կօգնի թարմացնել չժանգոտվող մետաղի տեսքը: Մի փոքր քանակությամբ օղին լցրեք սպունգի վրա և մաքրեք սարքը: Օղու շնորհիվ չժանգոտվող մետաղը վայրկյանների ընթացքում կսկսի փայլել մաքրությունից:
Մաքրեք միկրոալիքային վառարանը լիմոնաջրով
Խոհանոցը մաքրելիս, մենք հաճախ անտեսում ենք միկրոալիքային վառարանը, մինչդեռ այն պետք է հաճախակի ախտահանվի: Ջրով լի բաժակի մեջ մի քանի կտոր լիմոն ավելացրեք, դրեք միկրոալիքային վառարանի մեջ և տաքացրեք: Գոլորշին կփափկեցնի վառարանի մեջ կուտակված յուղային շերտը, որն ապա կարող եք հեշտությամբ հեռացնել խոնավ շորով:
