Մանրահատակի գեղեցիկ տեսքը պահպանելու և փայլեցնելու համար, հարկավոր է իմանալ դրա խնամքի և մաքրման մասին բոլոր մանրամասները:
Ստորև կներկայացնենք պարկետի մաքրման վերաբերյալ 10 խորհուրդ:
Խորհուրդ 1
Մաքրման գործընթացը պետք է սկսել ավելով և փոշեկուլով մաքրումից: Ապա անցնել խոնավ մաքրման աշխատանքներին: Իսկ վերջում հարկավոր է փայլեցնել մանրահատակի մակերեսը: Հերթականության պահպանումը խիստ կարևոր է:
Խորհուրդ 2
Մանրահատակի մաքրումն իրականացնելիս պետք է օգտագործել փափուկ խոզանակներ և խոնավ կտորներ: Խոնավ մաքրումից հետո, եթե հետքեր չեն մնացել, պետք է անցնել չոր մաքմանը՝ չոր և մաքուր կտորով: Ապա պետք է փայլեցնել մանրահատակը բրդյա կտորով:
Խորհուրդ 3
Տեսքի և երկարակեցության պահպանման համար, խորհուրդ է տրվում մանրահատակի փոշին մաքրել ամեն օր՝ չոր բրդյա կտորով: Այլապես կուտակված փոշին ոչ միայն կխամրեցնի մանրահատակի գույնն, այլև կհավաքվի դրա արանքներում՝ հետագայում ավելի բարդացնելով մաքրման գործընթացը:
Խորհուրդ 4
Խոնավ մաքրում իրականացնելիս կարևոր է ընտրել ճիշտ և Ձեր մանրահատակին համապատասխան մաքրման միջոցներ և նյութեր: Դրանք կարող են լինել հատուկ նյութեր, ջրային կամ սոդայից պատրաստված լուծույթներ՝ կախված կեղտոտվածությունից:
Խորհուրդ 5
Վերանորոգումից հետո առաջացած հետքերը կարելի է վերացնել 1:1 հարաբերակցությամբ պատրաստված մեթիլ սպիրտի և ջրի լուծույթով, նույն կերպ՝ նաև մատիտի, գրիչի, ֆլոմաստերի հետքերը:
Խորհուրդ 6
Գինուց, սոուսներից և հյութերից առաջացած հետքերը մանրահատակից հնարավոր է հեռացնել փափուկ խոնավ կտորով կամ ջրածնային չեզոք լուծույթներով, տաք ջրով և նեյլոնե կտորով:
Խորհուրդ 7
Արգելվում է մանրահատակը մաքրել լվացող փոշեկուլով կամ գոլորշու գեներատորներով, այլապես մակերեսը կարող է ուռչել և մեկընդմիշտ կորցնել տեսքը: Եթե կան չհեռացվող հետքեր փորձեք հեռացնել օճառաջրով խոնավեցրած կտորով:
Խորհուրդ 8
Եթե մանրահատակը պատված է լաքով, ապա լաքապատման աշխատանքները պետք է կրկնել 5 տարին մեկ անգամ, իսկ եթե յուղով է պատված, ապա՝ կես տարին մեկ:
Խորհուրդ 9
Մանրահատակի երկարակեցության և տեսքի պահպանման համար ամենից արդյունավետ միջոցը ոչ խոնավ և ոչ սառը միջավայր ստեղծելն է (оպտիմալ ջերմաստիճանը՝ +15-25):
Խորհուրդ 10
Քերծվածքներից և վնասումից խուսափելու համար մաքրելիս պետք է ընտրել փափուկ խոզանակներ, սպունգներ: Առհասարակ սարքավորումները մանրահատակի վրա տեղափոխելիս պետք է զգույշ լինել, իսկ կահույքի ոտքերի տակ փակցնել փափուկ ինքնակպչուններ:
Մանրահատակը կամ պարկետը, լինելով բնական փայտից, բավական շատ խնամք և մաքրություն է պահանջում: Իսկ դրա պատշաճ ապահովումը ոչ միշտ է հաջողվում տնային պայմաններում կամ սիրողական մակարդակով։
Հետևաբար նման դեպքերում արժե դիմել պրոֆեսիոնալ մաքրման ծառայություններին: Քլինլայն ընկերության մոբիլ թիմը կօգնի ապահովել մանրահատակի լիակատար մաքրություն՝ շնորհիվ եվրոպական բարձրակարգ նյութերի և նորագույն տեխնոլոգիաների: